Number of posts : 150 Age : 38 Localisation : Alexandria Registration date : 2007-06-21
Subject: melody hits & dream 1 Sun Aug 26, 2007 6:14 pm
اشعر بشبه غثيان حاجة بجد قمة التخلف لما باقرأ الرسايل اللى بتظهر اسفل الشاشة فى الشريط المتحرك فى القنوات الفضائية مش عارف هما مين دول وليه كده يعني في ايه مش فاهم
بعد التدقيق الشديد ف شرايط القنوات الفضائية ( شرايط الشات اللى بتبقى متلقحة ف آخر الشاشة !!!! ) و بعد التتنيح بالساعات قدام شاشة التلفزيون .. استطعت بقدرتى العبقرية و الفذة من نوعها أن أستنتج ........... ان نص الشعب حتما ًغبى و عايز الحرق !!!!!
لأ اللى بيحصل ده مش طبيعى !!! أنا قريت شوية جُمل يا جماعة بجد تنحت قدامها !! و بين كل جملة و جملة كان هيجيلى شلل
إليكم الشلل التالى
1-*** ممكن حب اسكندرانى***آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى !!! و اذا مشينا بالحدود شوية هنلاقى فيه حب لبنانى و حب امريكانى و صينى و يابانى !!!! و هكذا و مقولكوش بقى ع الحب المريخى !!!! و برضه فيه حب بالفراخ و حب بالكباب و فيه بالشطة و اللمون !!!!!!! و يا سلام بقى ع الحب بالجبنة !!! فظييييييييع !!! خصوصا لما بيتقطع عليه طماطم بيبقى مسخرة
2-*** أنا 75 سنة ممكن أتعرف على ليدى مناسبة*** خمسة وسبعين سنة يخرب بيته و قادر يمسك الموبايل و يبعت مسج ؟؟!!! ما شاء الله لسه ف عز شبابه برضه !! آه و ماله ممكن تتعرف على كركوبة مناسب
3- *** ممكن واحدة جميلة للصداقة و الحب و ياريت برضه للسفر *** آه ممكن طبعا !!! و يا ترى حضرتك عايزها كام سلندر؟؟؟؟؟؟؟؟؟؟
4-*** أنا شاب متدين ممكن ليدى عندها شقة ***آه و ماله !! و فيه برضه شقة و عليها ليدى مجانا !!!! و ياترى ايه مواصفات الشقة اللى عايزها ؟؟؟؟؟؟؟؟؟؟؟؟؟؟
5-*** أنا دلوعة و شبه نانسى عجرم ممكن أتعرف ***آه و نص !! و ياترى واخدة من نانسى عجرم قفاها و لا كعب رجليها ؟؟؟؟؟؟؟؟ اتدلعى يا اوختى و ماله !! و لما حضرتك أمورة كده امال بتعرضى نفسك ليه ع الشاشة ؟؟؟؟؟ ايه محدش راضى يشترى خلقة نانسى عجرم ؟؟؟ ايه الرجالة بقت بتطس ف نظرها ؟؟؟؟؟؟؟؟؟؟؟؟؟ لأ معندهمش حق
6-*** أنا ف اعدادى ممكن أتعرف على بنت حلوة ***
هيا جات عليك ؟؟!! و ياترى عايزها ف سنة كام يا حبيبى ؟؟؟؟؟ ابتدائى و لا حضانة ؟؟؟؟؟؟؟ أنا بالشكل ده هيجيلى السكر
7-***فلانة : أنا نكدية موت ممكن أتعرف على نكدى و ننكد على بعض *** *** فلان : أنا نكدى مووووت !! و قعتك سودة و نهارك مش باينله لون *** كان نفسى أمسكهم هما الجوز و انكد على أهاليهم
8*** معاكى فلان ممكن أعرف اسمك سنك طلباتك ***آه و ماله أنا فلانة يا ابنى ... و النبى اطلبلى واحد كباب و اتنين بانيه !!!! احم احم .. و ياريت لو معاهم جوز حمام
9-*** أنا سى السيد بدور على أمينة تسمع الكلام و تقول حاضر *** آه و ماله حاضر يا اخويا !!! بقى حضرتك عايز أمينة ؟؟؟؟
10-*** لو انت بتحبنى بجد ممكن أديلك رقمى !! ***يا ما شاء الله !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟؟؟ تصدقى بالله أنا دلوقتى بس عرفت أهمية السراية الصفرا
كلمة أخيرة : اللى بيحصل ده كتيييييييييير .. شئ ميبقبلوش لا قلب و لا عقل ولا منطق .. استهتار و استخفاف بالمشاعر و كذب مالوش نهاية و ضحك ع العقول !!!! و الدهشة انه كل اتنين بينافقوا بعض و الوسيلة الرخيصة ...... الحب !!!!!! .... ايه اللى جرى للناس ؟؟؟؟؟؟ و ايه اللى جرى للمجتمع ؟؟؟؟؟؟؟؟؟؟
biboo2007
Number of posts : 313 Age : 42 Localisation : cairo Registration date : 2007-06-22
Subject: Re: melody hits & dream 1 Sun Aug 26, 2007 9:50 pm
متستغربش ده بيسميه علماء النفس والأجتماع هوس الثورة التكنولوجية وده ناتج من الأنفتاح الفجائى والتطور السريع-مش للحاجة الساقعة-لكن لتكنولوجيا الأتصالات وأيضا نتيجة الكبت فى مجتمعاتنا الشرقية واللى يعيش ياما يشوف
mimisa
Number of posts : 137 Age : 39 Registration date : 2007-08-14
Subject: Re: melody hits & dream 1 Sun Aug 26, 2007 10:40 pm
كان نفسى أمسكهم هما الجوز و انكد على أهاليهم bas bgad 3ndk 72 da kter awy
engkola
Number of posts : 181 Registration date : 2007-06-25
Subject: melody hits & dream 1 
Sun Aug 26, 2007 6:14 pm
