اصل انفعلت اوي من اللي سمعته
اكيد الناس بتوع القاهرة سمعوا عن اللي حصل بمنطقة العمرانية
الحكاية من البداية كانت بسبب بلاغ قام بتقديمه احد سكان منطقة العمرانية (مش فاكر اسمه اسحاق تقريبا)ضد أمين شرطة بقسم العمرانية يدعي امير بتهمة انه لفق قضيه لاخوه
تاني يوم قام احد زملاء امير هذا بجمع بعض العساكر في عربية نقل في منتصف الليل حوالي الساعة 4 الفجر(اخر بلطجة ) متجهبن إلي منزل مقدم البلاغ طبعأ انتقاما لزميلهم أمير
ولما وجدوا باب العمارة مقفول - علي الفور طلعوا من العمارة المجاورة و نطوا من سطح العمارة الي العمارة المقصودة (بأي حق يقتحموا بيوت الناس كده و بدون اي تحقيق مش عارف)
المهم دخلوا الشقة و ضربوا خواته و حبسوهم في الشقة و خدوا الاخ الاكبر ده و طلعوا بيه فوق السطوح و رموه من فوق
طبعا مات
لما الحكومة تعمل كده في الشعب تستنى ايه من الشعب؟؟
طبعا عملوا كده بثقة ولا هاممهم قانون ولا حاجة
استغلال للسلطة بشكل فظيع ومحدش بيحاسبهم
فالحين بس نقول حرية قضاء و نظام حكم نزيه
وهناك الكثير من الاحداث هذه في كل محافظة و في كل وقت وسيستمر هذا سيرأ علي نظرية القرود الخمسة دون ان يجرأ احد ان يصعد السلم ليحصل علي الموز قصدي ليطالب بتنفيذ القانون حتي علي الشرطة نفسها
و لكن ربنا يخليلنا المسئولين البارعين في تأليف القصص السريعة التي بها يتم اغلاق المحضر في ثانية
للحفاظ علي صورة الحكومة غير الفاسدة والامن مستتب في كل مكان والشعب سعيد
و الجو بديع و الدنيا ربيع
MANENSASH DOOR MAMA SUZAN,
Subject: masr masr 
Fri Sep 07, 2007 8:37 pm
